Fənn kurikulumu

Fənn kurikulumu

Kurikulum nəticəyönümlü təhsil proqramıdır.Fənn kurikulumlarında təhsilin

məzmunu ( məzmun standartları) ,təşkili (təlim strategiyaları ) və qiymətləndirilməsi

(qiymətləndirmə standartları) ilə bağlı bütün məsələlər əks olunub.Müasir  təhsil

sistemləri daha çox biliklərin verilməsinə deyil,əldə edilmiş biliklərin bacarıq kimi istifadə

edilməsinə imkan verən təhsil proqramlarına üstünlük verirlər.Ölkəmizdə bu məsələ

1999-cu ildə təsdiq olunmuş “Azərbaycan Respublikasının təhsil sahəsində İslahat Proqramı “da öz əksini tapdı.Proqram dünya təhsilinin qabaqcıl tərübəsini öyrənmək ,mütərəqqi cəhətlərini milli və tarixi dəyərlərimizi nəzərə almaqla tətbiq etmək ,bazar iqtisadiyyatının tələblərinə cavab vermək , bütün şagirdlərin təlim nəticələrini yüksəltməklə ümum təhsilin keyfiyyətini artırmaq ,Azərbayanda şəxsiyyətyönümlü və nəticəyönümlü təhsilin gerçəkləşməsinə nail olmaq tələblərini irəli sürdü.Fənn kurikulumları aşağıdakı ümumi prinsiplərə istinad olaraq hazırlanmışdır:

-milli və ümumbəşəri dəyərlərin nəzərə alınması;

-ümumi inkişafı, meyil və maraqları nəzərə alınmaqla bütün şagirdlərə əlerişli təlim şəraitinin yaradılması;

-tələbyönümlülük;

-şəxsiyyətyönümlülük;

-şagirdyönümlülük;

-nəticəyönümlülük;

-inteqrativlik.

 “Tələbyönümlülük” – fərdin,cəmiyyətin və dövlətin dəyişən ehtiyac və təlabatlarının nəzərə alınmasıdır.

“Şəxsiyyətyönümlülük” –Təhsil alanın həyati bacarıqlarını inkişaf etdirməklə onlarda milli və bəşəri dəyərlərin formalaşmasıdır.

“Şagirdyönümlülük” – Şagird pedaqoji prosesin mərkəzində dayanır.Bütün tədris və təlim fəaliyyəti şagirdlərin maraq və təlabatların ödənilməsinə,onların istedad və qabiliyyətlərinin ,potensial imkanlarının inkişafına yönəldilir.

“Nəticəyönümlülük”- Əldə olunması nəzərdə tutulan təlim nailiyyətlərinin nəticələr formasında əvvəlcədən müəyyən edilməsidir.

“İnteqrativlik”- təhsilin məzmun komponentlərinin bir-biri ilə və həyatla sistemli şəkildə əlaqələndirilməsidir.

Fənn kurikulumunun hazırlanmasında və tətbiqində ,əsasən ,pedaqoji ictimaiyyət ,bilavasitə müəllimlər iştirak edir.Bu sənəd birbaşa pedaqoji prosesi təşkil edənləri ,onu həyata keçirənləri istiqamətləndirir.

Bütün fənn kurikulumlarında inteqrasiya xüsusi tələb kimi nəzərə alınıb.Bir prinsip kimi onun nəzərə alınması təhsilin bütün mərhələlərində potensial əlaqələri  tapmağa ,onları fəaliyyət müstəvisində reallaşdırmağa imkan yaradır. Bura məzmunun inteqrativliyi,fənnin inteqrativliyi,standartların inteqrativliyi,kurikulumların inteqrativliyi,bacarıqda inteqrativlik,prosesdə inteqrativlik və s. aiddir.

Kurikulum konseptual sənəd olduğuna görə ilk növbədə təlimin məzmununu ifadə edən dərslik komplektini və digər resursları istiqamətləndirir.Bu baxımdan istər fəndaxili , istərsə də fənlərarası inteqrasiya əlaqəli standartların fonunda verilir.