Summativ qiymətləndirmə

Summativ qiymətləndirmə

Summativ qiymətləndirmə kiçik və böyük olmaqla iki yerə ayrılır. Kiçik summativ qiymətləndirmə bəhs və ya bölmələrin sonunda müəllim tərəfindən , böyük summativ qiymətləndirmə isə yarımillərin sonunda ümumi təhsil müəssisəsinin rəhbərliyinin və ya orada yaradılan müvafiq komissiyanın nəzarəti ilə fənni tədris edən müəllim tərəfindən aparılır. Summativ qiymətləndirmələrin nəticələri keçirildiyi tarixdə sinif jurnalında qeyd olunur.

Kiçik summativ qiymətləndirmə fənn kurikulumları tətbiq olunan siniflərdə tədris vahidlərinin sonunda altı həftədən gec olmayaraq müəllim tərəfindən keçirilir.Onun nəticələri yarımillik qiymətlərin hesablanmasında nəzərə alınır.

Kiçik summativ qiymətləndirmənin keçirilməsi üçün vaxt üsul və vasitələr fənni tədris edən müəllim tərəfindən hazırlanır.Böyük summativ qiymətləndirmə vasitələri isə ümumi təhsil müəssisəsi rəhbərliyinin təşkil etdiyi komissiya tərəfindən hazırlanır.Kiçik summativ qiymətləndirmənin keçirildiyi gün dərsdə iştirak etməyən şagirdin sinif jurnalında adının qarşısındakı xana dioqanalla 2 yerə ayrılır və onun sürətində “q”(qaib) yazılır , məxrəci isə boş buraxılır.Müəllim həmin şagirdlə növbəti iki həftə ərzində summativ qiymətləndirmə aparır və onu nəticəsini məxrəcdə qeyd edir.

Şagird birinci yarımildə summativ qiymətləndirmədə iştirak etmədikdə , bir ay müddətində onun böyük summativ qiymətləndirmədə iştirakı təmin edilir.Şagird ikinci yarımildə üzürlü səbəbdən böyük summativ qiymətləndirmədə iştirak etmədikdə , ikinci yarımillik qiyməti çıxarılarkən birinci böyük summativ qymətləndirmədə aldığı qiymət həm də ikinci yarımildəki summativ qiymət hesab olunur.Şagirdin üzürsüz səbəbdən iştirak etmədiyi ikinci yarımildəki böyük summativ qiymətləndirmənin nəticəsi yarımillik qiyməti çıxarılarkən “0” qəbul edilir.

Summativ qiymətləndirmədə iştirak etməyən şagirdlər üçün yeni, lakin sinif üçün istifadə olunan tapşırıqlarla eyni səviyyəli qiymətləndirmə vasitələri hazırlanır.

Şagirdin qiyməti düzgün cavabların maksimum bala nisbəti ilə faiz göstəricisinə uyğun müəyyənləşdirilir:

	Şagirdin yerinə yetirdiyi tapşırıqların faizlə miqdarı	Şagirdin qiyməti
1	[ 0% - 40% ]	2 ( qeyri – kafi )
2	( 41% - 60%]	3 ( kafi )
3	(61% - 80%]	4 ( yaxşı)
4	(81% - 100%]	5 ( əla )