Mətn redaktorları

Mətn redaktorları

 Mətn redaktorları mətnli informasiyanın emalı üçün təyin olunur və aşağıdakı funksiyaları yerinə yetirir:

-Mətnin fayla yazılması,

-Simvol ,sətir və mətn hissəsinin yerləşdirilməsi ,silinməsi və əvəz olunması ;

-Başlıqların hazırlanması,mətnlərin səhifələrə bölünməsi;

-Sadə şəkillərin mətnlərə daxil edilməsi , mətnlərin çapı və.s

Mətn redaktorlarından geniş yayılanları aşağıdakılardır: Mirosoft Word, Word Perfect ,ChiWriter,Multiedit və s. Windows əməliyyat sistemində standart Notepad mətn redaktorundanda istifadə olunur.Bir çox sənədlərin tərtibində onların formatlaşdırılması tələb olunur ki, bunlara da mətn prosessorları deyilir.Bütün mətn redaktorları yalnız mətnləri emal etdiyindən bir-biri ilə uyuşandır.Müxtəlif mətn prosessorları isə informasiyanı fayla müxtəlif formatda yazdığından bir-biri ilə bilavasitə uyuşan deyil. Windows əməliyyat sisteminə sadə  Word Pad mətn prosessoru daxildir. Windows sistemində formatlaşmamış mətn faylının genişlənməsi .txt, Word Pad-ın fayllarının genişlənməsi isə .rtf-dir.Daha geniş istifadə olunan mətn prosessorlarına Word, AmiPro və s misal göstərmək olar.Bu prosessorlardan ən çox istifadə olunan Word-dür və onun hal –hazırda istifadə olunan sonuncu versiyası  Word 2013-dür.

Bir çox mətn prosessorları üçün ümumi olan bir sıra anlatışlara baxaq. Hazırlanacaq sənəd müxtəlif elementlərdən – simvollardan ,abzaslardan ,sətirlərdən ,bölmələrdən, haşiyələrdən ,kadrlardan və sərlövhələrdən ibarət olur.

Simvol sənəd mətninin minimal elementidir.Hər bir simvol ikilik kodla ifadə olunur. Windows-da simvolların kod təsviri üçün ANSI standartından istifadə olunur.Abzas isə təyin olunmuş şəkildə mətn fraqmentlərinin tərtibatıdır.

Sərlövhə -arayış mətni yerləşdirilən səhifə sahəsidir.Adətən bu arayış mətni səhifənin nömrəsindən sənəd ,bölmə və ya fəslin adından ibarət ola bilər.Haşiyə isə sənədin əsas mətninin xaricinə çıxarılmış və adətən digər mənbənin mətninə istinadı olan şərhdir.

Kadr  mətn ,şəkil və ya cədvəl yerləşdirmək üçün görünən və ya görünməyən çərçivədir.Kadr ona məna verən sənədin mətni ilə sipərlənə bilər.Sənədin sistem üslubları-sənədin müxtəlif elementləri və simvollardan təşkil olunmuş abzaslarla təyin olunmuş standart üsullara tərtibatıdır.Bölmə sənədin ayrıa bir hissəsidir ki,buradakı səifələrin öz parametrlərini və kolontitullarını təyin etmək mümkündür.

WYSIWYG (What You See Is What You Get –nə görürsünüz ,o da çap olunur)-rejimi onu göstərir ki, redaktə olunmuş sənəd ekranda necə görünürsə  , o cür də çap olunur.

Mətn prosessorlarında yaradılan sənədlərə müxtəlif obyektləri ,məsələn, cədvəlləri ,şəkilləri ,diaqramları daxil etmək mümkündür.Mətn prosessorlarında bu obyektlərin yaradılması və redaktəsi mühitdən çıxmadan həyata keçirilir.Bu zaman nəinki,xüsusi vasitələrdən ,həm də , Windows-un digər tətbiqi proqram vasitələrindən də istifadə oluna bilər.